Mae Dyneiddwyr Cymru yn rhan o Gymdeithas Dyneiddwyr Prydain, elusen genedlaethol sydd wedi'i chofrestru yng Nghymru a Lloegr (rhif 285987). Rydym yn gweithio ar ran y rhai anghrefyddol yng Nghymru i hyrwyddo Dyneiddiaeth, gwladwriaeth seciwlar, a thriniaeth gyfartal i bawb ni waeth beth fo'u crefydd neu'u cred.
A Dyneiddiwr yw rhywun sy'n:
- ymddiried yn y dull gwyddonol o ran deall sut mae'r bydysawd yn gweithio ac yn gwrthod y syniad o'r goruwchnaturiol (ac felly mae'n atheist neu'n agnostig)
- gwneud eu penderfyniadau moesegol yn seiliedig ar reswm, empathi, a phryder am fodau dynol ac anifeiliaid ymdeimladol eraill
- credu, yn absenoldeb bywyd tragwyddol ac unrhyw ddiben amlwg i'r bydysawd, y gall bodau dynol weithredu i roi ystyr i'w bywydau eu hunain trwy geisio hapusrwydd yn y bywyd hwn a helpu eraill i wneud yr un peth
Rydym yn ymgyrchu ar y lefel genedlaethol yng Nghymru i anelu at y nod o driniaeth fwy cyfartal o'r polisïau anghrefyddol a moesegol, sy'n seiliedig ar dystiolaeth ar draws ystod o faterion cydraddoldeb, hawliau dynol a seciwlar.
Yng Nghymru, lle nad yw'r mwyafrif o bobl yn grefyddol, mae gan y Senedd yr hawl i basio deddfau mewn meysydd fel diwylliant, datblygu economaidd, addysg a hyfforddiant, gofal iechyd, gweinyddiaeth gyhoeddus, a lles cymdeithasol. Ein nod yw gweithio â Llywodraeth Cymru a phobl o ewyllys da o bob cefndir i gyflawni sefyllfa lle mae pawb yng Nghymru yn cael eu trin yn gyfartal, ni waeth beth fo'u crefydd neu'u cred.